清真牛肉館 (龍崗道) (已結業)

我地呢d 香港人，坐左成個幾鐘頭車至到九龍城，雖然一點放工，但係去到都經已接近三點，都咪話唔餓。第一件事就係黎左呢度試下牛肉餅，10.5蚊一個。人人讚呢個牛肉餅爆汁，可惜佢o既爆汁程度遠不及上海o既小楊生煎。不過牛肉餅爆o既係牛肉汁，但係小楊生煎爆o既係豬油同豬肉汁。咁樣睇黎，都係牛肉餅好d。牛肉餅皮薄，入面多肉到不得了，而且d 汁真係噴出黎，所以要邊食邊吸。d 牛肉有d 平時中式o既牛肉飽，不過真係好多肉，個滿足感超越左食個burger。都幾好食呀，難怪外面d 人排晒隊，人地落場佢呢間仲有人排隊食野。