金樂軒雞煲魚鍋

营业中

休息中

最近心癮好勁，決定真係搵晚食下雞煲！見朋友有介紹過依一間餐廳，就決定一齊嚟食下啦❤️依間餐廳種類好多，可以食雞煲或者魚煲，有好多都係其他地方冇得食，例如酸菜龍躉魚鍋、酸菜東星魚鍋！我哋叫咗個老重慶奇味雞煲，雞肉非常嫩，入味得來又唔會太老喎！真係忍唔住問老闆點解可以做到咁❤️👍🏼👍🏼👍🏼另外我哋就叫咗唔同嘅配料，例如鮮魷魚、丸餃雙拼，即係有汕頭牛肉丸同埋貢丸😊😊😊配料都非常新鮮❤️👍🏼不得不讚炸魚皮，原來係餐廳自己親自炸，唔怪得知咁脆，必食❤️❤️❤️另外我哋都叫咗竹蔗茅根一揸，好欣賞呢一度唔會落糖，清清地好好飲❤️👍🏼我哋今晚真係好大食，叫多個什菌炒牛頸脊❤️因為佢呢度都有好多小菜，牛頸脊好香牛味，如果有白飯配埋食一流呀❤️❤️❤️同餐廳店員傾開計先知道原來佢哋都有外賣服務，亦都可以到會個喎，下次真係要試一試先❤️