尚上下夏2.8 - 養生雞煲火鍋x冰室 (已結業)

見到社交平台宣傳，佢哋開咗新分店喺灣仔，咁啱又好耐冇食雞煲，所以就過咗去試吓啦！新2.8分店係6點前做冰室，6點後就做雞煲邊爐。之前食過佢地尖沙咀分店覺得佢地雞煲好好食調味好岩我，仲可以無骨啖啖肉，所以對佢地雞煲念念不忘。今次一坐低就叫左小辣雞煲，揀左全雞髀肉，一上枱就聞到好香洗曬口水。以往都係食雞胸大大塊，今次雞髀肉就細塊少少但滑啲，而且份量都足夠！海鮮類我地叫左聖子皇，真係差唔多長過我手臂，重點係新鮮同洗得好乾淨，完全無沙粒，淥一淥好快就食得，夠鮮甜。蝦滑釀鮮冬菇第一次見用蝦滑釀冬菇，兩個人叫半黎試吓，原來份量都好多有4個大大粒！蝦滑釀得毫不手軟勁厚層，超彈牙既口感配合juicy既冬菇係好新奇既組合！仲有唔少疏菜類可以揀，我哋揀咗萵苣夠新鮮！ 打邊爐要配埋可樂！