牛角日本燒肉專門店 (荃新天地2)

营业中

休息中

兩口子的燒肉癮又發作了，雖然去唔到日本食燒和牛，但都可以去牛角止下癮先。今次我地簡左極上和牛四種盛合($339)，分別有西冷、肉眼、一口和牛同澳洲牛舌，每款都有4件，一次可以試到唔同部位。和牛終於上枱啦！油花分布得好靚好平均，牛肉嘅顏色亦都好鮮明。和牛肉質細嫩帶點嚼勁，牛肉味香濃，入口時油香滿溢，質素確實不錯。我地另外仲叫左每次都必定要食嘅牛舌，牛舌切成薄薄的一片，烤好後肉味濃郁，口感帶爽，非常好食。嚟牛角除左食美味嘅燒肉外，自己落手烤肉也是一種樂趣呢！之後當然要叫碗牛角飯嚟送燒肉食，飯面舖上滿滿的紫菜，加埋香蔥同醬油，原來簡單的食材只要配搭得宜，就能夠令平平無奇的白飯味道即時提升。最後兩隻牛魔王食到好飽好滿足咁離開。