Charcoal Time (已結業)

又係石門等小朋友學野既時間，見到新開左一間專賣千層蛋糕既小舖，先俾佢舖前既簡介吸引，因為用日本蛋，韓國麵粉，法國牛油和忌廉再加德國牛奶，無添加，真果肉，睇到都覺得誠意十足。再俾佢雪櫃一件會精緻既蛋糕所吸引，真係令人又選擇困難啦。結果梗係叫店員推薦啦，店員二話不說就推薦左椰子千層蛋糕$40 同朱古力榛子千層蛋糕$38。包裝好好，仲好細心附送埋义。兩款千層蛋糕都真係一層層好分明，中間既忌廉好香滑，每層皮蛋味好重，椰子啖啖果肉，朱古力榛子好香濃，真係唔覺唔覺就K.O.咗一件。期待下次再試埋其他口味。