牛壹台食 (已結業)

呢間新開台灣餐廳真係非常有驚喜，估唔到水準咁高！新張期內，全日都有套餐，包台式飲品，仲可以用優惠價加小食，超正😍會不斷loop再食特濃鮮茄半筋半肉面 $76（+$6有香芋鮮奶茶）個湯底超正！唔似一般台式牛肉麵有似藥材苦澀味，有成粒鮮茄配湯底，茄味濃郁，差唔多成碗湯都飲曬，牛肉勁厚勁大塊，牛筋煮得勁腍，值得encore再食😋必食滷牛飯 $62 （跟餐仲送一杯蜂蜜紅茶）睇相已經知道肥肉分布剛剛好，加埋黃蘿蔔同酸菜，超級好送飯，肥而不膩，勁快就同朋友一人一半食清光。最最驚喜係+28蚊的小食-藥膳雞翼！勁好食，有花雕酒香同少少杞子香，雞肉嫩滑，仲細心整成單骨雞翼，一啖就食得曬。成餐都質素勁高，2個人先食左$172。係灣仔黎講，只能說我下次會再同朋友一齊黎食。