影片
更多
2025-08-24
0 浏览
「大宅」位於問月酒店三樓，酒店設計幾有格調，以中國神話做主題。餐廳裝修雅緻樸實，牆上掛咗啲字畫，座位幾寬敞。今次同朋友試咗佢哋嘅 tasting menu，每位$688。頭盤：椒鹽糖心鮑魚，鴛鴦海蜇絲個鮑魚幾有驚喜，外層真係炸得香脆，裡面保持到溏心嘅軟嫩口感，唔會韌。海蜇絲有兩款口味，蔥油味好清香，另一款係少少麻辣嘅花椒油味，兩隻味都幾開胃。湯：金腿蟹肉燴冬蓉羹個羹料好足，食到一絲絲嘅蟹肉，火腿嘅鹹香同冬瓜嘅清甜幾夾，味道鮮美。廿年陳皮拔絲虎蝦球蝦球大大隻，肉質爽口彈牙。外面嘅拔絲脆漿甜度適中，最特別係加入咗陳皮，帶出咗一份甘香，令成道菜無咁膩，幾有層次。文火和牛和牛煮得非常腍，真係近乎入口即化，肉味濃。個汁調得幾好。反而最得我歡心係墊底嘅炸腸粉，吸晒和牛嘅肉汁精華，超級好味。乾燒椰菜花龍躉龍躉球肉厚鮮嫩，無雪藏味。用咗乾燒嘅方式，加咗少少花椒油吊味，微微哋辣，更能帶出魚嘅鮮味，唔會死鹹。椰菜花索咗啲汁，都好正。蝦子花膠濃雞湯拌菜苗手工拉麵個雞湯真係好濃郁，花膠厚身，煮到好腍。手工拉麵口感不錯，爽滑有彈性，掛滿湯汁再加埋蝦子嘅鹹香，係個令人滿足嘅結尾。甜品：陳皮蓮子紅豆沙紅豆沙煲得起沙
「大宅」位於問月酒店三樓，酒店設計幾有格調，以中國神話做主題。
餐廳裝修雅緻樸實，牆上掛咗啲字畫，座位幾寬敞。
今次同朋友試咗佢哋嘅 tasting menu，每位$688。
頭盤：椒鹽糖心鮑魚，鴛鴦海蜇絲
個鮑魚幾有驚喜，外層真係炸得香脆，裡面保持到溏心嘅軟嫩口感，唔會韌。海蜇絲有兩款口味，蔥油味好清香，另一款係少少麻辣嘅花椒油味，兩隻味都幾開胃。
湯：金腿蟹肉燴冬蓉羹
個羹料好足，食到一絲絲嘅蟹肉，火腿嘅鹹香同冬瓜嘅清甜幾夾，味道鮮美。
廿年陳皮拔絲虎蝦球
蝦球大大隻，肉質爽口彈牙。外面嘅拔絲脆漿甜度適中，最特別係加入咗陳皮，帶出咗一份甘香，令成道菜無咁膩，幾有層次。
文火和牛
和牛煮得非常腍，真係近乎入口即化，肉味濃。個汁調得幾好。反而最得我歡心係墊底嘅炸腸粉，吸晒和牛嘅肉汁精華，超級好味。
乾燒椰菜花龍躉
龍躉球肉厚鮮嫩，無雪藏味。用咗乾燒嘅方式，加咗少少花椒油吊味，微微哋辣，更能帶出魚嘅鮮味，唔會死鹹。椰菜花索咗啲汁，都好正。
蝦子花膠濃雞湯拌菜苗手工拉麵
個雞湯真係好濃郁，花膠厚身，煮到好腍。手工拉麵口感不錯，爽滑有彈性，掛滿湯汁再加埋蝦子嘅鹹香，係個令人滿足嘅結尾。
甜品：陳皮蓮子紅豆沙
紅豆沙煲得起沙，甜度控制得剛好，唔會太甜。陳皮味幾出，蓮子都煲得夠腍，係一碗好傳統又好食嘅紅豆沙。
张贴
