花漾 (已結業)

成日都覺得Time Square 冇乜好食見到新開主打馬拉菜嘅花漾裝修幾靚就一於試下海南雞飯配喇沙米線 $138嗌呢個餐主要係因為貪心想兩樣都試曬，要只係俾海南雞飯貴少少，唔係唔嗌呀嘛?海南雞飯好食! 啲雞唔肥而且雞肉嫩滑得黎又有彈性。新加坡風味嘅海南雞飯一般會配黑豉油、辣醬同埋薑蓉，呢間餐廳三個醬都做得幾出色，尤其辣醬夠辣又酸酸地好開胃。雞件全部去骨又唔太肥，啱晒好懶嘅我! 喇沙米線有驚喜，雖然細細碗，但麵質非常煙靭，厚身掛到汁又唔會浸到淋晒、中，可以食幾碗。湯底味道尚正宗，蝦味突出，淡淡椰香，有半隻蛋同一隻蝦，唔錯呢～古方仁當羊膝 $180本身想嗌排骨山，但係六點幾店員就話已經賣晒🥲所以就見咗餐牌呢個咁架勢嘅羊膝～原隻羊膝上枱一切開仲出緊煙，肉質給寶，有別於燉牛尾嗰種嘅軟熟，羊騷味都非常突出。雖然唔知呢款仁當醬汁正唔正宗，味道似印式馬沙拉，又濃又惹味，仲有炸蒜喺面，忍唔住叫返碗雞油飯撈汁。馬來街頭椰子雪糕 $56雪糕有三種口味可以揀，奶茶、椰子同埋榴槤。我哋就揀咗椰子味，因為好掛住泰國椰子雪糕。賣相得意，兩大球椰子雪糕，味道清新唔太甜，再配有兩塊椰肉，中和返剛才咁重口嘅主菜～椰子雪