同同事行到isquare發現人流比平時少左好多，可能因為疫情關係好多人都WFH，而WFFH嘅我就唯有享受下食午餐唔洗等位嘅好處。
1
餐廳裝修到有d令人感受到好似上左台灣嘅火車食火車便當一樣。
1
1
午餐嘅餐牌選擇十分豐富，A餐主菜同飯麵都有好多種唔同配搭，減食唔食飯嘅又可以揀米粉/麵線；B餐亦有超過10種湯麵及台西式fusion食物可供選擇～最喜歡食酸酸甜甜嘅我，梗係揀松子魚
=========================
糖醋松子鱸魚條、肉躁飯 $69
1
套餐以便當形式一次過送到客人面前，識食梗係食左前菜三小碟先！
1. 麻醬時菜：黃芽白加芝麻醬開胃
2. 醬油茄瓜：原來加左蠔油，十分咸
3. 溏心蛋：半熟岩岩好，食到蛋黃嘅甜味
肉躁撈飯最岩我呢d好怕食「乾爭爭」既人，不過肉躁比較少，如果肉躁可以俾多啲就好～
松子魚條酸酸甜甜十分可口，數數下都有7條，份量多配上三色椒及菠蘿片色彩繽紛！平時少食3色椒怕菜青味，今次甜酸味蓋過，十分清新！
黑糖珍珠奶茶 套餐加配 $9
由於我唔係特別好甜，所以黑糖珍珠奶茶就點左微甜，自然地黑糖味就唔突出，令珍珠奶茶比較重奶香，比較喜愛茶味濃啲嘅就相對比教失色。
=========================
茶木‧台式休閒餐廳
📍尖沙咀彌敦道63號iSQUARE國際廣場6樓603-604號
