🔹一口燒牛丼 - $108
呢個飯口感幾豐富，緣於當中加入左青椒同蔥等配料，令到入口會比起下面介紹嘅三盛燒肉有更多重嘅味道👍🏻一口燒牛唔錯，入口味道十分濃郁，牛肉嘅生熟程度控制得幾好，入口軟腍唔會太硬😋但係中間嘅溫泉蛋就熟左少少啦，所以大家見到一吉落去冇個種蛋黃即刻流出黎嘅效果☹️
🔹三盛燒肉丼- $95
有選擇困難症嘅話叫呢個就岩你地啦，因為呢個飯已經有三種肉類mix埋一齊: 煙燻雞，五花肉，牛舌😋煙燻雞入口相當嫩滑又軟腍，五花肉油脂豐富亦都係十分惹味腍身，配上日式燒汁相當不錯😋成個飯最可惜就係牛舌比較硬搞到要咬好耐先食到，如果煎得冇咁熟就會好食好多👍🏻
整體黎講佢地嘅丼飯都相當唔錯，大部分肉類都煮得恰度好處，入口嫩滑又軟腍。而且職員態度亦都友善，值得一讚！
