麥當勞 (信德中心)

行商場行到有啲攰，媽媽張麥當勞買A送B卡又就嚟到期，所以決定去麥當勞食個下午茶。我媽咪之前研究過，最抵嘅配搭就係凍奶茶配兩個蘋果批，如果有新嘅批仲可以試添，但係都係最經典嘅蘋果批最好食。奶茶都可以加大，但係我哋怕飲唔晒。


媽咪買完返嚟之後，可能嗰日太熱，飲咗幾啖奶茶就覺得唔係好夠凍，所以拎返出去加冰，職員都好好人加俾我地，加完冰又變返滿滿一杯奶茶哈哈！食食下甜嘢又想食d鹹嘢，咁啱做緊$10兩隻脆香雞翼，perfect！份量細細，啱啱好夠頂癮哈哈！咁就完成一個小小嘅下午茶，只係$26.5！

AB卡  +  $10脆香雞翼