真‧章魚無雙 (已結業)

旺中有個corner 仔，有好多小食店，次次行過都好多人排隊，同埋企係度食。依間章魚燒係最入面，又最多人排，一定要試下。章魚燒有好多口味，係上面加啲配料，又可以雙拼。因為係即叫即整，要等耐少少。- 真 * 蟹籽章魚燒 (8 粒)超多蟹籽放係上面，係放滿曬，仲有兩隻色，賣相好吸引。下面有基本既醬汁，沙律醬，紫菜，柴魚片，次次食覺得啲柴魚片郁緊。章魚燒外脆內軟，熱辣辣，仲有粒大章魚記得一定要趁熱食，如果唔係會淋咗。