第一城冰站

营业中

休息中

小弟因學業關係，不時都要到威爾斯親王醫院走走。非常自然地，我亦會經常經過第一城，在眾多店鋪中，我最留意既舖頭就係呢間小食店。佢位於商場門口，位置非常顯眼，而且因為口碑不錯，所以都有幾多人排隊。佢既招牌食物同其他香港街檔差唔多，都係格仔餅、雞蛋仔同埋D港式飲品，雖然唔係有咩特別，但其實整得唔錯。最值得推介既係佢既朱古力味同草莓味格仔餅，口味獨特，令人感覺煥然一新，配一杯橙汁就最好啦。