Layback Cafe & Bar (已結業)

餐廳位於鬧市嘅大廈，室內細細，大概十幾個位，佢有室外，大大風扇，夏天都唔會熱，俾你一種悠閒唞唞氣嘅感覺。😀炸粗切薯條配蜜糖芥末醬粗薯條，見到餐牌有就即叫。今次就揀配蜜糖芥末醬。試過有啲放上枱一陣好快就‘林’，佢呢間炸得啱啱好。😋忌廉芝士蘑菇釀雞翼推介呀！一啲都唔膩！雞翼去骨，於是每啖都係肉。外皮脆香，內裡忌廉芝士香濃但唔膩，仲有磨菇喺入面，真係好好味。🙂自家製南瓜汁天婦羅蝦雜菌意大利飯炸蝦啱啱好，夠脆。個飯係芝士味較南瓜味濃，但係汁好夠，唔會好乾，而且軟硬適中。🙂夏日麼麼茶盛夏，就揀返個啱時候嘅花茶。冇糖漿再嚟花茶材料係歐洲入口㗎。味道清新。