孖啡 (已結業)

隔唔中我都聽過好幾個朋友講佢哋會黎過呢間孖啡呢度食野，正所謂聞名不如見面，日我就同個老友親自過嚟食個飯先~間cafe喺4樓全層，開頭我以為媽咪嘅意思係佢有幾隻唔同嘅咖啡溝埋一齊，但係我入到嚟第一眼就知道佢嘅意思係佢有分開兩個區，一個呢就俾d食嘢普通飯聚，另一個呢就係類似party room咁嘅物體可以有啲board game借畀我哋玩，我哋一行兩人唔算多所以我本身都諗住係去a區點知原來安排左去b區。一入到去有兩盞燈好靚既吊燈窗口有貼咗啲花紙,驟眼睇都幾grand，唔錯既，最估唔到佢仲有兩部大電視，cafe嚟講都算係幾特別㗎喇。餐廳本身每張枱都有個鐘仔一撳鐘仔侍應就會即刻過嚟非常貼心，好彩我同我朋友早嚟，我見遲咗些少已經坐滿曬人，厲害~講返最緊要嘅食物質素先，杯特濃朱古力唔錯既，我最欣賞嘅係佢個蕃茄焗豬扒飯，因為佢好貼心咁幫我切咗啲豬扒，我食嗰陣完全唔需要設置豬扒直接筆嚟食就搞掂，讚~ 同埋個甜品都唔錯既~ +分~