泰國人海南雞 (砵蘭街) (已結業)

被老闆鬧完，個腦爆炸當然唔想用腦諗食乜，有人會選擇頹飯例如粟米肉粒飯免治牛肉飯等，一口一口送進嘴裡，不用動腦的。而我就會選這類的海南雞飯，不需要思想，一啖一啖放入口中，是嫩滑的雞肉，調味較為輕手，可自行點豉油或醬汁，重點係拆成淨肉，非常適合同我一樣的唔想用腦人士。而且一碟內有肶有翼有胸，感覺公平，冇因我係單身醜男就比頭頭尾尾。套餐連冷熱飲品，冬瓜湯，油飯。對我來說唯一美中不足應該是那碗飯，不知何解總覺得口感麻麻，唯有撈湯才吃得下，唔通我適合轉行食軟飯？哈哈。