泰糯米 (已結業)

今時今日，係人都知道葵涌廣場勁多平價/特別既小食店。每一層行一個圈都知道勁多小鋪，有選擇困難症既人真係好難作出決定。今日我就去左最近FB勁洗板既泰糯米，13:57分到左眼見得8個人咪排隊等陣。點知等下等下都等到14:30先開門執貨，等佢逐箱逐箱食物放入櫃又等到14:40先開始買得。睇下面個廣告牌，其實都有好多選擇。但其實埋到去都係得糯米飯/西米糕/千層糕。其他既都見唔到有，原本想買支泰式奶茶又話冇，失望。最後我揀咗四色糯米飯，因為有斑蘭糯米飯嘛。但講真我點睇都只見到得三色咋噃，咁樣咪觸犯左商品說明條例囉四色既味道同買普通既糯米飯好似冇分別，芒果係甜既但就唔係好靚囉！