塚田農場 (已結業)

黎到呢度梗係食美人鍋啦，佢聲稱用雞骨煲好多鐘，令個湯底充滿骨膠原，係唔係有美顏作用就唔知了。不過一行入間餐廳，就洋溢着好大陣嘅雞香味。一拎上枱，個鍋真係好似啫喱咁，好滑溜，之後就慢慢煮開左，飄黎一陣陣雞既香味。店員好貼心問我地駛唔駛試一試個雞湯，然後就將我哋嘅火鍋材料放晒入去，仲排得靚靚咁俾我地影相。個湯嘅味道好清甜，入口係濃稠嘅，充滿膠質，食完個咀會黐笠笠。其實美人鍋有牛同雞，我哋叫咗雞嘅，$380，唔平架。食材既份量就一般啦，雞大概係四份一隻小雞咁上下，仲有蝦滑、豆腐、腐皮卷等等，同埋大量蔬菜。其實食材都係中上嘅質素，唔會太有驚喜，主要都係食個湯底啦。除咗美人鍋，我哋仲叫咗即切沙律。店員會推架車出嚟，係我地面前將材料全部切碎，然後撈勻加上沙律醬，就上枱俾我地。牛油果三文魚沙律好好食，牛油果同三文魚都唔少，個沙律醬甜甜地，令人胃口大開，感覺健康清新。我哋仲叫咗個炭燒走地雞，不過呢個真係好麻麻。雞嘅份量唔算多，我諗佢係想比大家食到雞嘅味道，所以就算鹽味都其實唔係好夠味，雞味都欠奉，不過炭燒味又真係有嘅。最後呢個飯團真係唔使食，其實佢都幾大舊，不過豚肉冇咩味，飯又冇咩味，飯團黎講佢都算難