有骨氣火煱專門店 (已結業)

尋日, 去左有骨氣同同事打邊爐。好彩一早知道要用中銀信用咭付款, 如果唔係真係中晒招!(因為唔用既係冇任食...個侍應仲話係--->冇得食喎...)$88 任食, 但呢$88 只係指其中一d食物,如果想揀d海鮮類既,價錢另計。仲有...首先坐低每位都要收$12 係茶位(你就算patpat唔掂張櫈都計架喇), 另外如果你叫d侍應俾茶你, 哈,恭喜晒, 因為就算問佢地要杯茶, 每位都要再另加$12...飲品方面:汽水$12 一罐, 鮮搾果汁$100一jar, 啤酒$15一支(反而仲抵...) 咁係咪冇野飲?唔係~ 你要佢地俾水你囉,水係唔駛錢的, 但係佢地會俾滾水你.....辣到你條脷噴火...睇你叫唔叫汽水丫拿~時間上: 晚上分兩節: 6:30-8:30, 8:30-10:30 , 勸大家唔好揀6:30, 因為一到8點佢地會好似趕狗咁趕法,又話last call又叫你埋左張單先...至於食物, 任食推介我個人認為幾好既食物: 灌湯餃, 水晶叉燒包(好得意,竟然係用黎打邊爐的), 水晶豆沙包, 肥牛, 牛肉滑(好似食生竹牛肉...), 蝦漿醬丸子(粒丸入面真係蝦醬咁味),d菜好新鮮