回到味來 (已結業)

最近又想食雞煲啦，但係呢排好熱，所以唔係好想食辣，搵咗好耐見到呢一間係食黃燜雞唔會辣嘅！真係好期待啲一餐唔辣嘅雞煲啊！我哋叫咗一個黃燜雞雞煲，之後再打邊爐！黃燜雞嘅雞味比較出啲同傳統嘅麻辣雞煲比！佢比起傳統雞煲冇咁重口味，唔會撳咗雞嘅鮮味！食完雞煲之後，侍應就即刻幫我地換咗一個湯底可以打邊爐！我哋叫咗一個海鮮套餐，包括有鮑魚、蝦、聖子同蜆！全部海鮮都好新鮮，真係好豐富呀！打邊爐點可以冇嘢飲呢，我哋就要左可以清清熱氣嘅竹庶茅根，不過如果可以冇咁甜就更加好啦！估唔到呢一餐最大嘅驚喜留咗喺後面，飯後甜品真係一絕啊！佢係用豆腐設成一朵花，刀工非常之好，個賣相仲好靚添！真係好難見到係雞煲會有咁出色嘅甜品！