影片
更多
2007-11-05
1 浏览
同朋友去完玩,食飯時候,我地响日本菜,泰國菜同重慶大廈既華加士之中揀一樣,由於睇過食評知道華加士只有好評冇壞評,加上菜式係"西式",應該唔只印度菜啩,於是就一齊衝入重慶大廈一試.去前打去book位,佢話兩位ok,無問題.自從去左外地生活一年,驚覺自己英文戲劇性地進步神速(其實係信心大左啫,都係無乜文法嗰隻),由以前怕講英文怕到暈到而家好想撩人講,今時唔同往日.(離題...)門口及lift口好多外籍人士,但又無纏住我地,只係無啦啦同我地講5樓(or3樓,唔記得),我地都冇理只係等lift,好多人等lift.上到4/F,搵唔到"B-5"門牌但見到咖喱皇個招牌,見門口掛住"members only",走入去問係咪只招待會員,佢地只係叫我地入去.當時只有我地兩位客人,我第一次去呢種似私房菜既餐廳,有少少驚.一坐低,職員擺低支水,問過係$6我先敢開.跟住佢地又俾張form我填做會員,免費,有卡即享九折(即時有折喎).講番食物:芒果奶昔($15):我個fd既,我飲左一啖,唔係幾好呢隻芒果味.芝士薄餅($15):食唔到有芝士味,我點d咖喱雞汁食仲好味,我個fd食第二塊先覺得有芝士味.羊肉炒飯($42
門口及lift口好多外籍人士,但又無纏住我地,只係無啦啦同我地講5樓(or3樓,唔記得),我地都冇理只係等lift,好多人等lift.
上到4/F,搵唔到"B-5"門牌但見到咖喱皇個招牌,見門口掛住"members only",走入去問係咪只招待會員,佢地只係叫我地入去.當時只有我地兩位客人,我第一次去呢種似私房菜既餐廳,有少少驚.
一坐低,職員擺低支水,問過係$6我先敢開.跟住佢地又俾張form我填做會員,免費,有卡即享九折(即時有折喎).
講番食物:
芒果奶昔($15):我個fd既,我飲左一啖,唔係幾好呢隻芒果味.
芝士薄餅($15):食唔到有芝士味,我點d咖喱雞汁食仲好味,我個fd食第二塊先覺得有芝士味.
羊肉炒飯($42):其實係好好味,羊肉好腍,個飯好香有少少甜味,好可惜我地都唔食得辣,少辣都唔掂(點菜前問過職員,佢話little辣,我都知大家既標準係唔同架喇),我個fd食第一啖已經頂唔順,我就好少少,最多都係流d鼻水,無喊.
印度香料雞($45):面頭落左好多椰絲,食落唔辣,幾香.可惜個飯令到我條脷麻左,享受唔到佢真正既美味.
免治羊肉($18):估唔到係咖喱角包住羊肉,初時仲以為係羊肉餅咁添,食唔晒,要拎走.
我希望下次識得叫d冇咁辣既菜,食到佢既真味.
價錢,無加一兼有九折,超值.
另,建議網主將菜式一欄改為印度菜.
张贴