台站 (已結業)

飯平同貴都唔緊要, 好唔好食都其次 ，最緊要食得人,呢間啲飯係生嘅直情係唔食得人。有次貪平買咗呢一間嘅滷肉飯,滷肉汁根本佢已經現成一袋袋，整返熱就得㗎喇，但係嗰啲汁係凍嘅， 同埋淨係得埋肥肉。咁其實喺個舖嗰度嗰個人都只係煮個飯啫，個飯係生嘅，其實我真係唔知點解可以做得咁失敗。 我見到佢有個好大嘅電飯煲，係著既，開咗店咁耐都仲係煮成咁，真係執早著，見到佢已結業就畀番一個劣評佢。冇心做就唔好開店，根本就係浪費食物。