Pepper Lunch Express (又一城)

营业中

休息中

平時聽人講pepper lunch 就聽得多，今日係又一城溜完冰特登去一試，果然係正！小編見識少，覺得所有用鐵板上既食物都特別好食。無他既，因為食既時候一定會係熱既！而且有種與時間競賽既感覺，因為聽過有同學因為冇攪啲飯而令啲飯焦黑曬... 所以我一拎到個黑椒牛肉飯餐就攪同埋炒下佢，令飯入面既黃油，同飯，牛肉完美咁融合一齊。雖然係咁講，但黃油既味道唔太明顯。其實食材有個重點，就係食材要有食材既味。有人話食牛有牛味係廢話，但其實打邊爐打得多，發現牛係真係可以冇牛味，好似食橡皮咁，但pepper lunch 既牛肉有牛肉既鮮味。雖然未去到有肉汁既程度，但起碼我認為自己唔係食緊一塊無味既橡皮。而且飯上面既粟米粒都係重點，雖然只係配料，但當中保持左粟米應該有既甜味，配上混有黑椒既飯，成個味道多左一分層次感，唔會單純流於刺激同濃烈既味道，當中仲有自然既鮮甜，如果唔想單純享受刺激既味道，記得要好好品嚐當中既配料啊！