Cold Brew Factory

大角咀都好鬼多咖啡店，但富多來商場依頭就唔係好多，之前有一間但最近都摺左。最近睇住佢開，一開頭見佢好似冇乜野食淨係得咖啡，心諗應該都好難做。但依家見佢愈來愈多野食，又沙律又三文治，依家重有牛尾湯同牛尾通粉添。不過我一早過去唔食果啲住。食三文治算喇。

雞肉三文治加肥威

$47

我叫左個雞肉三文治，啲料都算多，成堆沙律係入面。價錢依家真係算好低食。因為買三文治野飲係減$20蚊。三文治加杯肥威都係$47。平時去買杯野飲都三十幾蚊。依家有啡飲有文治食好低。最重要既係佢啲啡都唔係流四。平時我其實唔係好鍾意飲啲鮮奶咖啡之類既野，但佢唔同。啲啡味夠重，唔會比啲奶冚左啲味。依間真係值得推價，性價比十分高。