好味王 (已結業)

每人約$100，講真唔算好平，但係食物質素算唔錯，比起一般每位$68自助火鍋好好多。叫左一個蘿蔔粟米豬骨湯鍋，我食慣濃味就覺得比較淡口，不過清清地都唔錯。講下火鍋料方面，食物真係幾新鮮，墨魚丸爽口，雲吞有原隻蝦，蔬菜亦十分整潔，唔會話「爛熔熔」咁。飲品方面，由於唔係自助火鍋，係冇得送，不過價錢合理，一罐汽水收七蚊，一杯西瓜汁收六蚊（約300ml），啤酒十幾蚊一樽。除此之外，食火鍋可用優惠價食煲仔飯（$9.8）同一些小食。服務方面，都算係唔錯架喇，伙計會自動自覺問加唔加水同斟茶，唔同一般自助火鍋扯晒火都冇人show你。衛生方面，可以用喜出望外來形容，可能因為之前諗住響觀塘工廠區唔會太乾淨，不過真係要推翻呢個觀念，裝修唔係金碧輝煌，但係整潔程度可以叫一級了，由於店子樓底高通風不錯，也不覺有煙霧迷漫的情況。