東薈軒海鮮酒家 (已結業)

呢間酒樓裝修好落本，一入門口已經睇到，所以貴o的都係抵返既。我上次坐o係近門口位，但係一o的唔自在既感覺都冇喎，因為有兩大幅類似玻璃窗既野檔住視線，所唔就算坐門口都唔駛俾出面等緊位既人望實哂。總有呀，雖然坐門口咋，但係好似坐卡位咁，仲坐得好舒服o添呀。食物質素唔錯，款式亦多元化得多，餐具亦好新、幾靚、幾典雅，比起屋村裡面個間好得多咯。我寧願花多少少錢，行多少少路，都會揀呢間周日同屋企人飲茶呀。唔，不過地面就污糟糟少少，可以改善埋呢樣就perfect喇。