沙嗲王 (眾安街) (已結業)

尋日女朋友帶我嚟食，係我第一次幫襯沙嗲王。上面環境唔錯，但燈光比較暗，可以光少少就好，同埋窗外維修緊......望出街有少少大剎風景。D木桶座位好有特色，但出入有少少麻煩，如果女士著裙會好唔方便(但都要普通的枱)，呢少少可以改善。服務方面都算係咁，冇乜特別可以挑剔。食物方面，價錢都算係咁，唔係太貴，我同女友揀咗個白咖喱豬扒飯，隻汁幾好味，啲豬扒亦都夠腍，飯既分量亦啱啱好。食物種類可以再增加多d~~再講返價錢，雖然唔太貴，但對於學生嚟講，都有少少負擔，可以試吓提供學生優惠。會再去，下次試吓其他食物。