青悅·越泰料理

营业中

休息中

见3点几机所以约埋响机场做既frd食lunch，我早去揾位先因为lunch hour岩岩开始所以唔洗等好耐。坐低即刻影份menu比frd睇帮佢叫定，点知野食落左单5分钟都唔洗已经黎左🤣唔知系咪机场要赶机所以黎得特别快🤣🤣🤣Frd叫左生牛河我就叫左泰式船河，即系咩都有d既杂锦河。味道唔算有惊喜但都唔差，系预期既味道。年中都无几可响机场食，成日营住营住机场餐厅贵夹唔好食，但呢间味道唔差价钱make sense，出面商场食都差唔多价钱。唔想食快餐m记果类，呢间都系一个好既选择。另外成间铺好阔落，每张枱之间都有一定空间唔会坐到迫迫夹夹。我拖住个28寸喼好惊阻到人，入去之前都问reception系咪可以就咁拎入去，定铺头会有另一个位摆，店员表示拎入去就ok。埋到位发现原来系拍埋墙既尾位，我张櫈后面仲有位岩岩好放得落喼又唔会阻到人超正！唔知系咪见我拖喼特登安排呢个位比我🥰因为睇得出其他客大多数都系机场做野既人整体黎讲间铺既食物唔错，整体安排都好舒服，有机会都会再黎食。