名苑酒家 (已結業)

前幾日都無時間陪家人，今日難得提早落班，老婆就說要出去食飯，食好耐無食的翅，名苑那裡的翅最有名.一坐低首先叫的是清宮明火雞煲翅,平時食果D翅唔係太傑就係唔足翅，而湯又淡呢度嘅翅湯底一飲就知道係雞湯，好濃好香，好足味，翅仲好足添~老婆無介紹錯，真係值得一讚！黑木耳炒勝瓜，黑木耳的爽脆，加上勝瓜的爽口，這道菜食得好過癮！羊腩煲，炆得好入味，淋得來又有咬口，最出位的係個汁，可以用來撈飯，抵食！蠔皇蝦子扣柚皮，柚皮完全沒有渣，欠汁濃度剛好，有蝦子的鹹香，濃香不膩，好入味。