雞仔去骨海南雞專門店 (靄華大廈)

营业中

休息中

夜晚係長沙灣mcl睇完戲 就周圍行下睇下有咩食 行行下就見到有海南雞飯 見都幾多人食就試試佢 叫左一個海南雞飯 一個口水雞飯 可以揀跟白飯或油飯 同埋都會送湯 係椰子雞湯 個湯都係幾清 椰子味唔係太重海南雞飯 會有甜豉油 酸辣汁 薑蓉同拍青瓜拍青瓜無咩味 薑蓉都幾咸 我最鐘意都係酸辣汁 撈飯同點雞都好夾油飯都有味 唔會話好油 雞唔係脾 但舊舊都滑 唔太肥呢個係口水雞油飯 佢個口水雞汁比較特別 唔似出面咁水 係就咁一pat汁放上雞度 啲雞同海南雞係一樣所以都ok嘅 呢個相對上濃味啲 多油啲 而且應該都幾重味精 食完都幾口渴 如果下次有機會都想係個邊試多幾間 呢間都可以嘅