老街 (已搬遷) 新店位置

今日係油麻地附近睇戲, 想食D快靚正嘅野食, 係附近見到呢間個裝修好似唔錯就入左去試下~個MENU 有好多台灣小食可以揀~為左填飽個肚, 同朋友各自叫左個台灣滷肉飯同埋蕃茄鹽酥雞麵~台灣滷肉飯個味唔係好咸, 雖然我地叫個個係細SIZE, 佢都比好多肉同埋汁, 食落去唔會好乾~蕃茄鹽酥雞麵嘅鹽酥雞係分開上, 所以仲係好鬆化, 佢落左D椒鹽係面但份量唔多, 食完唔會好口渴, 雞球個炸皮唔係好厚, 都好易入口~而個蕃茄湯唔係好濃, 似係用新鮮蕃茄整出黎唔係罐頭湯~整體黎講都唔錯, 算係抵食!