元札幌拉麵 (宇晴軒商場) (已結業)

同朋友係荔枝角行街，黎到呢個商場，見到呢間拉麵店門面幾靚所以試下。門口有個夾公仔機，店入面都係和風裝修，地方整潔，坐得非常舒服~~我叫左個札幌螃蟹拉麵，湯底選左味噌湯。大大碗拉麵，配料有蔥、粟米粒、昆布、糖心蛋。湯底夠香濃，麵質爽口彈牙，蟹棒啖啖肉，味道幾鮮甜。糖心蛋香甜，粟米粒都幾多。整體黎講都幾好食！朋友叫左個牛油拉麵，要醬油味，試左啖湯，味道都唔錯，唔會太咸。小食就叫左燒多春魚同埋自家製手包餃子。餃子外皮煎到金黃色，非常香口，皮薄肉質鮮味多汁。多春魚燒得香脆不膩，非常好味，成條都食得唔駛吐骨！招財貓飲品原來係蜂蜜梳打，冰甜十分好喝，個樽印左隻招財貓好得意！