茶餐廳2.0 (已結業)

今晚收工返荃灣同媽媽撐枱腳，近近地去左愉城既茶餐廳雖然個名叫茶餐廳，但無論係裝修定係食物、服務一d都唔頹裝修企理光猛，牆身仲有decoration餐牌選擇亦夠多，小菜、焗飯、扒類、甜品應有盡有我要左粟米魚塊，加左錢要時蔬粟米魚塊炸得香脆，唔會沾得太多炸粉，食落去啖啖都係魚肉，醬汁亦都唔會太杰太漏時蔬都炒得幾香，食落爽脆媽媽要左紐西蘭西冷扒，可以選黑椒汁或者蒜蓉汁，鐵板上枱時仲係好熱，要小心燙手，西冷食落都好稔，唔錯最後要左個雪糕雞蛋仔，雞蛋仔脆脆地，唔會太甜，配雪糕食一流，仲有士多啤梨同埋藍莓，好滿足p.s. 呢到既杯碟圖案好得意，大家食既時候可以留意下！