T4 清茶達人 (已結業)

早一個星期已經收到傳單有買一送一，咁啱今日同阿女去會展既冬日美食節，順路買杯試下。買一送一既條件係相同飲品，糖味和冰量都必須相同。我自己好想試奶蓋或玫瑰，可惜阿女一見到芒果就發光，結果叫左芒果清茶，叫左半糖同微冰。好彩叫半糖，味道啱啱好，但微冰都算多冰，芒果味都幾重，當然係香料芒果味，茶味都係清香既。當然d冰溶左之後，成杯嘢飮就淡左好多。今日買一送一就真係好抵，如果平時既話，價錢都算ok。但今日最緊要都係阿女飲得開心。