撈得喜火鍋冰室

黎到元朗行完要再食飯，睇完一輪見到有火鍋冰室就試下，始終呢類型比較少食所以就揀黎試下，而且都會相對連鎖便宜，二百幾都落到樓。

食物質素算係唔錯，呢個價錢可以接受，叫左個椰子雞鍋，個鍋既湯底真係好甜，椰子味還可以未算好濃，但整體唔錯。雞方面，都算滑同份量多，同湯底撈埋一齊食係唔錯。

就算其他火鍋配料如粟米同菜再配埋湯底食，連配料食落都有甜既味道。

海鮮方面，只係拎左海蝦試，蝦都算係大大隻，肉質就普通，可以接受既程度，又唔會係好潺既口感同味道。

肉類方面，牛唔會太肥而且都有牛肉既味道，唔會係雪得太勁既味甜品方面就係任食雪糕。

。。。總結。。。
唔錯既火鍋冰室，連鎖火鍋既另一個選擇。