避免夜晚人太多要等位，所以6點半就入座。
椒鹽白飯魚 - 幾乾身，又鬆化，不過就無乜椒鹽同魚味
蠔仔肉碎泡粥 - 好多料同味道夠鮮，不過我比較喜歡泡飯式既蠔仔粥
(其實仲有嗌後面碟鹵味，但味道一般，淨係記得夠熱，食完都唔記得有咩評價）胡椒豬肚湯 - 好重胡椒同咸菜味，重口味人仕應該會鍾意，佢既豬肚同咸菜份量都唔小，而且洗得乾淨，無奇怪既味道
鹹檸七 - 招牌，必叫
另外要介紹埋德記孖寶 欖菜同埋鹹檸檬，
可以買走返去煮欖菜刀豆同埋鹹檸七。
全部野食份量都幾多下，好滿足。
不過始終開始人多，所以都有d 趕客feel...
臨走買左個欖菜返屋企煮餸，味道都唔錯！
(出到門口見到超多人等位）
