Meat King (已結業)

朋友話最近銅鑼灣開咗間專食漢堡的餐廳，身為食肉獸嘅我梗係要試試。一上餐廳環境已經好有feel,同朋友傾計係唔錯既選擇。首先嚟嘅凱薩沙律都幾juicy,雖然平時唔好食菜，但係依個沙律又冇咗平時嗰種青澀味，份量多，加埋隻流心蛋，$58嚟落，cp值都算好高！之後朋友叫咗個海膽北海道牛卷，本身睇menu以為得兩舊，嚟到有三件，都幾驚喜。食落嘅味道仲驚喜，因為海膽夠新鮮，同牛肉一齊擺入口啲味道都好分明！最後同朋友一人叫咗一份漢堡share食，分別係芝士漢堡扒同溫泉蛋他他汁漢堡扒。兩份嘅漢堡都好juicy，有牛味，朋友唔太好食漢堡都話可以encore。Service方面侍應們反應都幾快，見朋友著咗件白色衫同提下佢小心彈到啲汁。雖然我地無order嘢飲，但係侍應都keep住幫手fill水，一啲都唔手軟。整體嚟講meat king真係啱自稱係meat king嘅我！