翡翠點 (已結業)

肥妹仔最鍾意就係捐窿捐罅搵嘢食，咁啱經過西環呢一間叫翡翠點嘅餐廳。入面嘅裝修都幾特別，睇一睇個餐牌原來係食北方嘅小食。大漠孜然雞翼 $28雞翼炸到非常香脆，沈上知孜然粉，非常之惹味。滋味墨魚餅  $22呢一個有驚喜，食到一粒粒墨魚，非常之彈牙。陝西肉夾膜豬肉 $25呢一個肥妹仔真係第一次食，佢個餅皮係有少少硬，包咗豬肉餡嘅。醬汁係有少少辣同埋都有孜然粉嘅味道，好特別。陝西肉夾膜辣味雞肉  $25呢一個辣味雞肉個味就會再濃味啲，鍾意食辣同食濃味嘅朋友應該會鍾意食呢一個。羊肉春捲  $28炸春捲食得多，羊肉春捲都係第一次食。佢嘅羊肉一啲都唔騷，但係就比起普通春卷多種多咗一陣羊肉味，好好食。老北方炸醬幼麵  $69呢一個炸醬麵都幾多料，有蒜蓉，小黃瓜，炸醬。佢嘅麵煮都剛剛好，軟硬適中。佢嘅炸醬係有少少偏甜，肥妹幾鐘意食。素燒真菌  $10津白豬肉水餃  $12重慶麻辣肥腸  $10認真唔算好辣，肥妹仔接受到嘅辣度。