御藏 (已結業)

今日放工趕返學，唔想食快餐甘無益，又費事上堂食飯盒甘香於是去左附近呢間日式外賣店買左個「海膽吞拿魚腩飯 $80 」+送野飲。外賣袋中有豉油打開個外賣盒見到都幾多吞拿魚腩蓉，仲有d海膽同三文魚籽。吞拿魚腩都幾鮮甜，起碼唔會腥，撈混d飯加少少豉油已經好夠味。海膽份量唔多但濃味，連醋飯一齊入口好似食緊海膽壽司甘，都唔錯。三文魚籽就好有吊味同增加口感既作用。醋飯酸度剛好，份量亦唔少，食完都幾滿足。下次上堂我又試下其他款式先。