8號冰室

营业中

休息中

2020.7.14 (二) 同事叫外賣, 一定幫我叫埋。 今日想食平d, 就叫午餐B梅菜扣肉飯+熱檸茶=$45。平日多數叫常餐: 豬扒麵+omlett +HOT lemon tea=$50一盒飯=好飽/好眼瞓, 所以留左1半返屋企晚餐。佢地既梅菜扣肉, 有d唔同一般餐廳既味道, 有濃郁既南乳味, 入味既都好味既, 扣肉既比例有8成瘦肉, 間格好一致: 皮/肥/肉/肥/肉, 如果可以炆耐少少=淋dd就perfect, 所以唔係好肥。 平日唔多食白飯既我, 要講一下佢地既白飯, 撈左梅菜同扣肉既汁,竟然好好味。 當然白米本身既質素亦唔錯。 其實以前有食過炒飯, 感覺佢地既米飯係有精選過。