糖朝 (已結業)

今日同個同事出去辦事，辦完后經過糖朝甜品店，之前有經過但未試過，同事話呢間店嘅出品都還可以，既然有時間就入去醫下肚啦，今日去到就有位，聽講平時好似要等位。好耐無食過蘿卜糕啦，睇個樣好似一般，但食落感覺又唔錯哦，蘿卜比例占得仲算比較多，而且煎得剛剛好，食落表面兩邊脆，又帶有蘿卜的清甜，仲系值得一試嘅。同事點左個艇仔粥，表面睇落無咩料咁，但佢話其實入邊好多品種嘅料放埋一齊，有D海鮮同埋瘦肉，咸菜同花生，再加上油條，比其他出面的店要足料，味道還可以。芒果布丁，賣相唔錯，食落口感幾滑，芒果肉算多，對我嚟講就無咩特別，有D甜。