牛摩 (荃灣千色匯I) (已結業)

荃灣個頭有好多食店，今次揀左牛摩90分鐘嘅火鍋放題。可能唔係假日嘅關係，唔使點等就有得入座啦！呢度有唔同嘅套餐選擇。而且湯底都有好多種可以揀，最正嘅係可以一人一鍋。今次我地就揀左特級牛肉嘅套餐，跟餐仲有個海鮮拼盤～有蝦同帶子個啲都幾鮮甜，整體嘅味道都唔錯。除左肉類要落單之外，其他野食都可以係自助區個度攞。蔬菜丸類都係平時打邊爐嗰啲，但係種類都幾多～另外仲有啲雞翼、壽司、韓式年糕呢啲熟食，一次過滿足晒我呢個吃貨😂至於飲品呢，就唔係平時嘅罐裝飲料，而係有汽水機，咖啡機，仲有沙冰機😀 甜品仲有frozen yogurt 可以揀😍整體嚟講，野食選擇同其他放題差唔多。味道幾好，同埋環境好闊落，都值得試下。