新泰東南亞餐廳 (馬鞍山廣場)

营业中

休息中

天氣熱冇乜胃口，Lunch time 想食啲辣野醒下胃，兩丁友去咗呢間泰國菜館，位置唔係好顯眼，一直都未去過，估唔到有驚喜😍我哋兩個女士胃口麻麻，所以只係叫咗一份青咖喱牛肉、一份印度薄餅同一碟泰式炒雜菜。泰式炒雜菜好惹味，又唔會太咸。青咖喱味道好好，少少辣，好有椰奶香味，但啲牛肉就太靭，完全咬唔開囉！同事仔平日鐘意食牛肉乾，佢食晒啲牛肉，我就一件都咬唔開😩印度薄餅好香脆，點青咖喱超級好味，又開胃😋😋整體而言都尚算滿意，不過下次叫青咖喱嘅話就唔會配牛肉，會改配雞。