獅城星馬餐廳 (已結業)

蘭桂坊新開咗新嘅新加坡菜，喜歡食喇沙嘅我梗係要去試吓啦。食喇沙我第一時間會試佢個湯底得唔得，呢間嘅湯底似乎有少少改良咗，唔似星馬地區食到嗰種相對濃味同傑身嘅，所以湯嘅味道比我嘅感覺係輕盈啲，而用料似乎都好足，唔錯。麵底係正宗油麵加米粉，啲湯嘅味道入到啲麵度，唔會有湯還湯麵還麵嘅感覺。雞都好食，似乎唔係啲千年雪雞(好多舖頭為咗成本，會用啲質素差少少嘅雞，因為如果個湯夠濃就乜雞都唔洗怕)。豆腐卜正常入味啦，不過隻蛋就似乎over cook咗少少，如果可以輕微流心就正晒。