D&A House

营业中

休息中

食物質素唔錯而且選擇多，價錢同附近餐廳比較其實差唔多，所以間唔中都會食返呢間。Lunch time 見好多人都會叫扒餐，我都分別叫過豬、牛、雞扒食，都ok嘅。牛扒有啲牛味，咬得開嘅，起碼你食到肉味，係塊正常嘅牛扒。豬扒，雞扒個啲都正正常常。佢塊扒都係正常size, 夠飽嘅。不過扒跟餐得意粉/飯揀，想跟薯條/菜就要加錢（2選1），如果可以揀轉薯條＋菜就好啦，咁樣可以有少少菜食，健康少少🤣。＋$3有餐湯，都ok嘅，唔好預佢好濃郁，但都夠味嘅，我飲過西蘭花湯、南瓜湯，都唔錯。另外都叫過肥牛炒烏冬食，味道亦不錯，正常水準味道，會食到炒野嘅香氣，同埋牛肉味。Lunch 揀呢間食基本上都唔怕會叫到啲中伏嘅餐，都分推薦。