影片
更多
2009-04-01
27 浏览
好幾日前約好朋友食飯，不過今朝先決定嚟呢間。因為冇訂枱服務，我同朋友12:20去到已經好多人排緊隊，好在大枱人數嘅人多，二人我哋掛第二張，所以等咗三個幾字就入得啦。之前有同事試過話好味精，但係今日食過之後又覺得好OK喎，等我講我哋叫咗咩先啦~~1. 北海道牛奶海鮮炒墨魚麵 - 個湯一望落去以為好濃或者好咸，不過飲落好香，而且唔過咸同好滑，墨魚麵質彃牙爽口，而餸方面都絕不欺場，有帶子、蜆、蝦、魷魚、鳴門卷同大量蔬菜。2. 咖喱吉烈芝士魚柳飯 - 咖喱汁好香，不過味道冇平時嗰啲咁強，但好夠味，而且有微辣，好野味，配軟硬適中仲有好香飯味嘅日本米，真過癮。件吉烈芝士魚柳好香脆，裡面充滿溶咗而又煙靭嘅芝士，芝士味道偏牛奶味重，唔會攪到食唔到魚味，不過魚味都偏淡。伴菜有青、紅、黃椒同好入味嘅薯仔...正3. 跟餐加$15仲可以選小食同有杯餐飲。小食要咗蒸蛋同卷物，前者好滑唔錯，後者就冇咩特別，$15蚊嚟講都OK啦!4. 溏芯蛋 - 好好味，中間溏芯蛋黃係橙色，仲好滑同好濃蛋味，蛋白又啱啱熟，唔會好硬，相信係日本蛋都唔奇。尾聲叫餐飲先知原來跟餐加$15係有兩款小食同一杯餐飲，初時以為$15係一款小食
之前有同事試過話好味精，但係今日食過之後又覺得好OK喎，等我講我哋叫咗咩先啦~~
1. 北海道牛奶海鮮炒墨魚麵 - 個湯一望落去以為好濃或者好咸，不過飲落好香，而且唔過咸同好滑，墨魚麵質彃牙爽口，而餸方面都絕不欺場，有帶子、蜆、蝦、魷魚、鳴門卷同大量蔬菜。
2. 咖喱吉烈芝士魚柳飯 - 咖喱汁好香，不過味道冇平時嗰啲咁強，但好夠味，而且有微辣，好野味，配軟硬適中仲有好香飯味嘅日本米，真過癮。件吉烈芝士魚柳好香脆，裡面充滿溶咗而又煙靭嘅芝士，芝士味道偏牛奶味重，唔會攪到食唔到魚味，不過魚味都偏淡。伴菜有青、紅、黃椒同好入味嘅薯仔...正
3. 跟餐加$15仲可以選小食同有杯餐飲。小食要咗蒸蛋同卷物，前者好滑唔錯，後者就冇咩特別，$15蚊嚟講都OK啦!
4. 溏芯蛋 - 好好味，中間溏芯蛋黃係橙色，仲好滑同好濃蛋味，蛋白又啱啱熟，唔會好硬，相信係日本蛋都唔奇。
尾聲叫餐飲先知原來跟餐加$15係有兩款小食同一杯餐飲，初時以為$15係一款小食同一杯餐飲，都幾抵，我就要咗一杯凍檸茶，都OK大杯，而朋友仔就冇飲。不過值得一讚佢啲水應該有用檸檬浸，因為好香檸檬味。
而SERVICE都OK，有禮貌，而且唔會因為人多好似唔想理你咁。
我會再試其他款式。
张贴
