芭提雅泰國菜館 (已結業)

星期日下午3點左右，我地四條友漫無目的在灣仔搵食，其中一個朋友話呢度唔錯，咪試下lor。點了個四人套餐：冬陰公：唔算好辣，味道唔錯，隻蝦好大隻，（我都係鐘意九龍城金寶gor d）；泰式拼盆：2個荷包雞、2個炸蝦餅、2個炸魚餅：熱騰騰，好好食，不過份量好似唔係好均勻lor，話哂都係4人餐嘛；咖哩蟹：好大隻蟹，都幾多肉食，d汁好好味，撈飯一流；鹹魚粒炒椰菜苗：好香，不過好油；泰式海南雞飯；好多雞肉，甜品拼盆：2款傳統甜糕各有2件，另外較特別係椰汁南瓜，好好食，可惜我地飽到食唔哂，真可惜。竹筒飯：正常飯一筒大樹菠蘿冰：一般紅豆冰：ok呢個餐真係份量好足（我地係3男1女），又好食，服務又好，裝修都幾「骨子」，好似貼左d名星光顧過的相片在牆上，埋單時又有現金coupon （冇期限架）送番，都會再來幫趁既。