海鮮站 (已搬遷) 新店位置

約左朋友食飯, 佢帶我黎左呢間海鮮站, 佢話抵食唔貴, 就試下啦.要左個大蝦沙律, 二人份量唔算太多, 大蝦新鮮爽口, 沙律有好多種生果, 撈埋芒果汁酸酸甜甜, 食落清新夠開胃.蒜蓉蒸象拔蚌, 夠大隻, 象拔蚌煙韌爽口, 食落夠鮮甜. 蒜蓉夠香夠惹味, 粉絲底索晒鮮味.仲有芝士焗龍蝦, 芝士夠杰而且味濃郁, 龍蝦肥大肉厚, 食落爽口彈牙.整體味道都唔錯, 食材新鮮, 一路食見隔離枱食長腳蟹幾大隻, 下次可以黎試下.