影片
更多
2022-02-03
616 浏览
餐廳舊年九月先喺半島酒店開幕, 經已一位難求, 我十月book都要等到一月先有位, 啱啱好可以慶祝埋老婆生日. 好彩我book左lunch咋, 疫情之下無乜影響, 無阻我地朝聖😍 餐廳喺半島酒店地庫, 唔難揾. 入面有兩個counter 同幾張tables, 感覺有少少迫. Lunch分三個Menu, $880, $1280, $1680. 分別出要係多左前菜同和食. 壽司嘅質素當然都有唔同. 今次我地就試左$1280個set, 包十件sushi, 四個前菜, 一個和食. 當然仲有卷物, 湯同甜品. 就介紹下壽司先啦!深海池魚壽司 - 用料新鮮, 魚身厚肉鮮味, 係稔身魚, 無腥味白蝦壽司 - 蝦係軟身比較稔, 味道清甜, 又無話甜蝦嗰種好甜. 都幾特別炙燒銀鱈魚壽司 - 個人非常喜歡! 炙燒過嘅外層有焦香同咸味, 內層保持魚生嘅鮮味, 口感好豐富! 👍🏻👍🏻👍🏻金目鯛壽司 - 魚肉鮮嫩, 不過味道偏淡, 唔算特別北海道鮮帶子壽司 - 超級厚肉, 好大粒! 而且好甜, 口感大滿足👍🏻👍🏻吞拿魚醬油漬 - 醬油有點偏咸，同前幾舊以鮮為主有對比. 呑拿魚鮮味無筋，刀工好三文魚子壽司 - 比
Lunch分三個Menu, $880, $1280, $1680. 分別出要係多左前菜同和食. 壽司嘅質素當然都有唔同. 今次我地就試左$1280個set, 包十件sushi, 四個前菜, 一個和食. 當然仲有卷物, 湯同甜品. 就介紹下壽司先啦!
深海池魚壽司 - 用料新鮮, 魚身厚肉鮮味, 係稔身魚, 無腥味
白蝦壽司 - 蝦係軟身比較稔, 味道清甜, 又無話甜蝦嗰種好甜. 都幾特別
炙燒銀鱈魚壽司 - 個人非常喜歡! 炙燒過嘅外層有焦香同咸味, 內層保持魚生嘅鮮味, 口感好豐富! 👍🏻👍🏻👍🏻
金目鯛壽司 - 魚肉鮮嫩, 不過味道偏淡, 唔算特別
北海道鮮帶子壽司 - 超級厚肉, 好大粒! 而且好甜, 口感大滿足👍🏻👍🏻
吞拿魚醬油漬 - 醬油有點偏咸，同前幾舊以鮮為主有對比. 呑拿魚鮮味無筋，刀工好
三文魚子壽司 - 比較一般, 三文魚子唔夠爽同甜, 無爆汁感覺, 可能唔係時令爭啲
右口魚邊手卷 - 比左口魚邊更肥, 油脂感更重, 做手卷的確好適合, 有心思. 食完真係有飽肚感, 個人好中意👍🏻👍🏻
宮城野生拖羅壽司 - 入口即溶, 都無乜可以挑剔, 一個字, 正!
北海道馬糞海膽 - 海膽叠到超高! 味道好甜好好味, 完全滿足到我對海膽嘅熱愛🤣👍🏻👍🏻
拖羅卷 - 係用嚟塞飽你嘅, size好大, 好多舊拖羅, 食完真係飽哂
睇埋前菜同和食先!
沖繩水雲配山芋泥 - 幾酸下, 好開胃
伊豆真鯛刺身 - 非常鮮味，肉質偏爽口. 簡單無多餘調味, 反而好清新
北海道汁煮八爪魚配柚子胡椒 - 八爪魚煮到超稔, 可以話完唔似八爪魚😂似肉嘅感覺. 味道就剛剛好, 醬汁香又唔太咸. 加上微辣, 味道好夾
三文魚子蟹肉茶碗蒸 - 三文魚子清甜, 蟹肉好多好足料, 抵讚. 味道就正常, 唔算特別
炸北海道雪場蟹腳 - 有少少失望, 味道係好食, 但咁整法個人覺得浪費左個靚蟹肉, 而家食落好似炸墨魚滑
江户前焗蛋 - 似日本蛋糕仔，唔太甜, balance番拖羅嘅油膩唔錯
鰹魚清湯 - 非常清嘅魚湯, 無味精, 只有清湯同魚味, 保持番今餐清新簡單嘅感覺
宮崎哈密瓜配芝麻朱古力糕 - 哈密瓜就無乜好講啦都係咁. 反而個芝麻朱古力好有驚喜! 個朱古力係幾甜不過加左芝麻落去出奇地夾, 超香! 雖然係甜但我都忍唔住食哂😜
Extra: 餐廳送嘅生日蛋糕超好食🤣
總括黎講, 今餐賣嘅係新鮮同簡單, 無咩Fancy野, 穩穩陣陣. 如果想試特別野就未必啱你了. 另外有個扣分位, 就係野食來得超快, 一碟接一碟, 一個半鐘就食完埋單, 好趕. 老實講咁嘅價錢同地理位置, 個用餐享受我expect要好啲. 性價比一般
私心評分
食物質素⭐️⭐️⭐️⭐️
性價比 ⭐️⭐️⭐️
张贴