蔦 (已結業)

做完運動後就周圍覓食。行過好多次不過都未試過依間拉麵，就諗住入去一試。話哂東京本店係米芝蓮一星，期望值自然係高少少。未食過鴨味既拉麵，見到就當然要點啦。好廢咁講句，鴨湯真係有鴨味。據説係用左好多既鴨架同鴨腳去熬成既。幾得意係佢既配料有腰果碎同沙律菜。腰果碎增加口感，沙律菜可以去肥膩感。不過小妹覺得鴨拉麵試一次就夠，未去到食過番尋味💁🏻‍♀️。個丼等得耐過個拉麵。佢話因為要即燒。豬肉粒口感幾好，只係洋蔥醬小妹認為略為咸左少少。總括而言，係幾ok既。不過拉麵價錢有一大部份去左鋪租，稍為偏貴。